skip to main |
skip to sidebar
Itinanghal na ang trailer ng pelikulang “Strictly Confidential: Confession of Men” ng Outline Films sa UP Videotheque sa Diliman, Quezon City sa pagitan ng pagpapalabas ng iba’t ibang pelikula sa venue na ‘yon. Umaani ng mga kritisis mo ang rebista, ayon kay director Jowee Morel.Ang dami raw reactions from Up male students na nakapanood ng trailer,”pahayag ni Jowee Morel. Si Nonoy ang programmer ng Up Film Institute Cine Adarna at isa rin siyang respetadong miyembro ng Young Critics Circle. Ayon kay Lauzon, sobra ang dating ng pakita ng bagong pelikula ni Jowee Morel.
Sa trailer kasi ay nagsasalita (Voice Over) si Dr.Lito Dela Merced, ang tagapagtatag ng Ginoong Filipinas,ang timpalak ng pagtuklas sa mga lalaki ng puwedeng tawaging “Beauty King.” Ang sabi ni Dela Merced ay “sa Pilipinas, ang kauna-unahang sex experience ng isang lalaki ay sa bakla.” Hindi ito nagugustuhan ng mga lalaking estudyante ng UP na nakapanood ng trailer.
Ayon kay Lauzon, hindi matanggap ng mga taga-UP na ang kauna-unahang sexual relation ng isang lalaki ay bading.
Maghahain umano ng pormal na reklamo ang mga lalaking taga-UP kaugnay sa sinabi ni Dela Merced sa trailer ng pelikula. “Ako, hindi na ako nag-iisip kung anu-ano ang sasabihin ng mga tao sa pelikula ko. I just made it to help disseminate information about the HIV. Kasi, prevalent na ang HIV dahil nga sa promiscuity. “Sana, ma-practice natin ang monogamy at nang huwag nang kumalat pa ang HIV,” pahayag ni Jowee Morel.
Nakahanda na ang pagtatanghal ng premiere showing nito sa ika-16 ng Pebrero, 2009 sa ganap na ika-6:30 ng gabi, May poetry reading ng mga gay literature at ang isa sa mga pangunahing tula at prosa na babasahin ay ang mga likha ni Joey Arrogante, kilala rin sa tawag na Dr.Jose A. arrogante, nagtapos ng kanyang AB literature sa UST Faculty of Arts and letters at ng kanyang doctoral sa PNU. Susulat din ng tula ang inyong lingkod at ang isa pang peryodistang pampelikula na si Dennis Adobas.
By: Boy Villasanta
Patuloy na gumagawa ng alingasngas ang pelikulang “LATAK” ng Outline Films sa Direksyon ni Jowee Morel lalo na nang ipalabas ito kamakalawa sa UP Film Institute Cine Adarna, ang dating UP Film Center. Nang matapos ang palabas, iba’t ibang reaksyon ng mga tao sa pelikula. “Ang ganda-ganda,” pabulong na sabi ni Wacky, ang komikong sportscaster na dating kasama ng singer na si Buddy Catillo sa mga programang “Health & Lifestyle on TV’ Destiny Cable tuwing alas singko ng Huwebes at “health & Lifestyle on Radio” sa DWBL tuwing alas singko ng ng Sabado. “ Magaling si Jowee Morel,” Patunay naman ni Jojie Rillo, ang nasa likod ng mga palatuntunan. “May ibang dating si Jowee,” sabi naman ni Victor Wood.
Maraming tao ang nagandahan sa pelikula tungkol sa isang batambatang TV Commercial director na si Andrew Locsin na nalulong sa droga at may ka-live na lalaki. Inaatake ng duda si Andrew sa katapatan ng mga tao sa kanyang paligid. Itinampok sa pelikula sina Channel Latorre, Zach Urdaneta, Mercedes Cabral, Marc Jacob, Pia Millado, Tia Pusit, Ram Galura, Geraldine Tan, Nash Mojica, Julia Taylor at marami pang iba. Ikalawang pagtatanghal na ito sa UP Cine Adarna at kung una ay sa pakikipagtulungan ng Outline Films sa UP Cast, ngayon naman ay nakipag-ugnayan ito sa Up College of Social Work and Community Development Administrative Staff Consumers Cooperative na pinangungunahan ni Rosita Zamora.
Dumalo sina Julio Diaz, Carla Varga, Mario ‘O Hara, Chito P. Alcid, manunuri ng Pelikulang Pilipino Dr. Roland Tolentino, Archie de Calma, Noel Malonga, James Caparas, Zaldy Rolex, chanel Latorre, Mercedes Cabral, Marc Jacob, Jowee Morel, Lyn Madrigal, Art Tapalla, Dan Alvaro, Ricky Mansueto at ang director na si Benjie Garcia. Ayon kay Mario, wala siyang masabi sa pelikula. Sa umpukan, naghuntanan sila ng mga kaharap. “Gano’n na ba talaga ang pelikula ngayon?” napapahalakhak na pahayag ni O’ Hara, ang gumawa ng mga premyadong pelikulang “Sisa,” “Babae sa Breakwater,” “Tatlong taong walang Diyos,” “Mortal” at marami pang iba bilang direktor at ng “Insiang” bilang scriptwriter. Sinabi ni O’ Hara na marami nang teknikal na kaalaman ang mga kabataang Filmmaker ngayon na nakakabigla para sa kanya. “Ganyan na talaga. Parang nakakahilo ang dating ng mga pelikula tulad ng “Serbis” namin nina Dante Menzado pero ‘yon ang style,”sabat ni Julio.
Puring-puri ni Art ang pelikula at ayon sa kanya, ang malalim na instrukturang ginaymay ni Morel ang siyang nakakapagpaiba sa pelikula sa hanay ng mga obrang tulad nito. Hangang-hanga si Tapalla sa maganda ng kulay at ilaw ng pelikula. Para sa kanya ay nakakaangat si Jowee sa aspetong ito ng produksyon. (Hindi lang ‘yon, ang ganda ng them song. Tipong klasikong pop. Ed) Ang susunod na pagtatanghal ng mga pelikula ni Morel ay itinakda naman sa UP Videotheque sa isa itong retrospective. “Di ba, sa Pilipinas, ang retrospective, pag matagal na ang direktor. Sa UP, iba. Bibigyan namin ng retro ni Jowee at ipapalabas ang lahat ng kanyang pelikula,” pahayag ng isa sa mga kasapi ng Young Critics Circle na si Nonoy Lauzon.
By: Boy Villasanta
Ngayong natapos na ang pelikulang “ LATAK” ng Outline films ay makakadalawa nang pagtatanghal sa UP Film Institute Cine Adarna, sa ika-27 ng Setyembre, 2008, naglalakad-lakad na ang director nito na si Jowee Morel sa iba’t ibang bahagi ng kamaynilaan kaugnay sa pagkuha niya ng mga footage para sa isang TV show.
Nagpasyal si Jowee Morel sa Destiny Cable sa Pasong Tamo Extention upang sundan si Buddy Castillo, ang singer na sumikat noong 1970s, dahil may TV show roon ang mang-aawit, ang Health & Lifestyle on TV kung saan siya ang host. Namulatawan ni Morel doon so Jao Mapa, ang macho at guwapong aktor at nabigla siya nang makita ang director. “Direk, wala akong mukhang maihaharap sayo ngayon”, pahayag ni Jao.
Ito ay dahil sa hindi na kasama si Mapa sa “Latak” samantalang siya ang unang nasa isip ni Jowee bilang Andrew Locsin, ang batam batang commercial director na napunta kay Marc Jacob ang role. “ Pero dahil po sa schedule, Hindi natuloy,” sabi ni Jao. Bukod diyan ay hindi talaga kayang bayaran ng Outline Films nang malaki si Mapa dahil walang masyadong budget ang production. “saying, bagay na bagay pa naman sa’yo ang role. It was a good comeback,” sabi na lang ni Jowee Morel. Gayunman, umaasa si Jao na makakasama muli sa mga proyekto ni Morel.
Balak kunin ng Viva Entertainment si Jao para sa mga proyekto ng kumpanya. Ayon kay Mapa, si Andrea del Rosario ang nagrekomenda kay Veronigue del Rosario-Corpuz para maging kontratista ng produksyon na aktor. Nakipagmiting na kahapon si Mapa sa pangasiwaan ng Viva Films at umaasa siyang maraming magagawa para sa kanya ang korporasyon ni Vic del Rosario. Samantala, matatapos na sa ika-26 ng Setyembre ang painting exhibit ni Jao sa GT Tower sa Ayala Avenue sa Makati City. Pinamagatang “H2O,” ang exhibit ay nilalahukan din ni Maria Isabel Lopez at ng iba pang mahuhusay at batikang pintor sa Bansa.
Tatlo na ang anak ni Jao pero nasa kanya pa rin ang panghalina sa madla lalo na sa mga kababaihan at kabaklaan. Ngayon ay panay ang trabaho ng aktor para maipantustos sa kanyang mga supling. “Insperado po ako. Iba talaga ang may mga anak. Noon ako ang humihingi ng baon, ngayon, ako ang magbibigay at naghahanap ng baon para sa mga anak ko,” wika ni Jao na nagtapos ng Fine Arts sa UST. Showbiz ang talagang gustong gawin ni Mapa kaya naman nagtitiyaga siya at malayo pa ang kanyang mararating.
By: Boy Villasanta
Hindi na mapigilan pa ang pag-alagwa sa paggawa ng mga makabuluhan at nakakaaliw ding produktong pampelikula ang kontrobersyal na director na si Jowee Morel na lumikha ng mga maalingasngas ding “Mga Paru-Parong Rosas” na na-x ng movie and television Review and Clasification Board; “Mona, Singapore Escort” ni Iza Calzado, “When a gay man loves” ni Romano Vasquez at ang pinakahuling “ LATAK” ng Outline Films nina Mercedes Cabral, Marc Jacob, Zach Urdaneta, Chanel Latorre at Pia Millado. Kagagaling lang sa Bangkok, Thailand ni Jowee at maganda ang kanyang pasalubong sa ating lahat-tuloy na ang kanyang paggawa ng mga documentary sa mga Asyano. Ayon kay Jowee Morel, binigyan na siya ng go signal ng isang Foundation sa asya na nagpapalaganap ng mga kaalaman tungkol sa HIV o ang bakteryang nagpapalago sa tungo sa AIDS. “Sa Indonesia na po, instead sa Malaysia ang una kung Shoot. Sa mga October po ay aalis ulit kami ng cinemaphotographer kong si Pao Pangan papuntang Indonesia para simulan na ang project,” pahayag ni Jowee Morel.
Pagkatapos nito ay lalarga naman ang team papuntang Myanmar o ang dating Burma at pagkuwan ay sa Nepal upang doon naman mag-shoot ng mga taong may HIV at kung paano ang nakakatakot o karima-rimarim na karamdaman na ito ay magkaroon ng positibong pananaw sa mga mayroon nito at sa pagtanaw ng mga tao sa lipunan na kanyang kinabibilangan. “Masaya po ako dahil ito ang talagang pangarap ko. Gusto ko talagang sa ibang bansa ay magkaroon ako ng impact. Pero hindi ko kalilimutan ang Pilipinas. “ may mga project pa rin po ako na gagawin dito kaya magsasama-sama pa rin tayo rito,”sabi ni Jowee Morel sa sariwang-sariwa pa sa pakikipagmiting niya sa mga kinatawan ng organisasyon ng mga nangangalaga sa pagpapalaganap ng kaalaman at impormasyon tungkol sa HIV.
Samantala, maaari rin umanong madagdagan pa ang mga bansa sa Asya na isasama sa proyektong ito. Ipapalabas sa buong mundo ang gagawin ni Jowee Morel kaya nga ngayon pa lang nananabik na ang mahusay na filmmaker. Pati Australia ay malamang na magawan din ni Jowee Morel ng docu at ang malalaki pang nasyon sa daigdig.
Tuloy naman ang pagpapalabas ng “LATAK” sa UP Film Institute Cine Adarna sa UP Diliman at sa pagkakataong ito, ang Department of Social Work and Community Development ang nangangasiwa ng pagpapalabas sa pamumuno peryodistang pampilikula na si Dennis Adobas at ni Jethro Agawen at ni Rosita Zamora. Para sa kapakanan ng pagpapagamot ng may malubhang karamdaman ng mga peryodistang pampelikula na sina Gil E. Villasana at Jun Pasion ang special screening. Pagkatapos ng “LATAK” ay magkakaroon ng Movie marathon si Morel sa Cine Adarna pa rin sa Nobyembre. Tatlo pang orihinal na pelikula ni Jowee ang ipapalabas: “MONA” na tungkol sa tomboy; “Ningas sa Dilim” at “Mga Anino sa salamin” bukod pa ang “Mga Paru-Parong Rosas,” “Easy to Love,” “When a Gay Man Loves,” At “LATAK.”
Sosyal, di ba?
